أهم المميزات في تحديث iOS 14 新加坡

أهم المميزات في تحديث iOS 14 Release date: 18 September 2020 Follow us on Instagram: @MoqTech 1- Widgets ، من أهم المميزات اللي موجودة بنظام الاندرويد من زمان ، وكنا نتمنى نشوفها في أجهزة iOS علشان تحس أن الشاشة الرئيسية مو مجرد تطبيقات تفتحها وتسكرها. ومثل ما هي موضحة في الصورة ، تقدر تضيف نفس شاشة صغيرة لتطبيق معين تكون بويهك وفيه معلومات مختصرة نفس النوتات / الملاحظات ممكن تكتفي فيها بدال لا تدخل على التطبيق نفسه. 2- App Library ، وأخيراً اضافت ابل ميزة تنظيم صفحات التطبيقات وكانت من أكثر المشاكل اللي يعانون منها مستخدمي iOS ، كثرة الصفحات والتطبيقات تكون غير منظمة بهالميزة ، النظام راح يرتب لك التطبيقات حسب الفئة ، مثلاً تطبيقات Social تكون مع بعض مثل تويتر وانستقرام وغيرهم .. والالعاب بصفحة بروح ، وهم بامكانك تخفي صفحات لتطبيقات معينة علشان مايصير عندك زحمة صفحات للتطبيقات واللي تستخدمهم انت صفحتين بس لأكثر التطبيقات استخداماً. 3- المكالمات ماراح تاخذ الشاشة كاملة وراح تكون المكالمة اعلى الشاشة فقط وتقدر تستخدم جهازك طبيعي اثناء تلقي المكالمة. 4- تحسين التصوير الليلي على اجهزة ايفون 11 وايفون 11 برو باضافة مؤشر يساعدك على ابقاء الايفون بوضعية ثابتة لالتقاط صورة ليلية واضحة. شي وايد حلو ان قمنا نشوف نظام iOS يتطوّر ويلحق نظام الاندرويد في بعض المميزات ونشوف منافسة أقوى بين أنظمة التشغيل شكراً لكم على المتابعة ونشوفكم على خير في مقطع قادم

Category